MYANMAR MIZOTE HIAN LITERATURE LAMA HMASAWNNA KAN MAMAWH
By - Rev. Chuanga, Yangon
Thuhma
Myanmar Mizo Theological Fellowship Seminar vawi khatna a, paper; “Myanmar Mizote Hian Literature Lama Hmasawnna Kan Mamawh,” tih ziak tura min ruat hi lawmawm ka ti hle. Ka ziah tur thupui hi Myanmar Mizote tana thil pawimawh tak a ni a, ziah pawh chakawm tak niin ka hria. Mahse ka huphurh hle mai. A chhan chu, MMTF hi kan hnam leh kan sakhaw kalsiam reltu tur a nih tlat avangin a thil tih zawng zawng hi belhchian dawl, entawn tlak tlak leh hnam tihhmasawnna tling a nih a ngai a. Hun chep tak kara ziah tur a ni a, research-te beih hman ani dawn si lova. Ka ziah thiam ve dan tawk ka ngaihtuahin MMTF beiseinate phawk zo dawnin ka hre lo a ni. Engpawhnise, acadamic lam thila ziah a ni lova, literature lama hmasawnna kan mamawh zia mawlmang taka tarlanna a ni bawk a, a research paper loh deuhnaah kan inngaithiam ani ang chu. Tin, kan thupui Literature tih hian a huap zau deuhva, Mizo Literature bik deuh chauh kan chhui dawn ani tih hre sa ila a tha ang.
I. Literature Hi Enge ni?
Literature tih tawngkam hi sap tawng, kan tawng anga kan hmanlar tawngkam a ni. A tlangpui thu chuan a kawh tum pawh kan hre theuh awm e. Hriat dan tlangpuiah chuan 'Ziak leh chhiar thiamna lam thil leh thu leh hla leh a kaihhnawih thilte' a ni ber mai a. Amaherawhchu literature lama hmasawnna kan mamawh zia sawi tur kan ni a, kan sawi tum a lan chian zawk theih nan chhui zau deuh ila a tha awm e. MMTF Siteah Chhiar Zawm Rawh...
MIZO TAWNG KAL HMANG LEH A ZIAK DAN
(April 2008 - Myanmar Mizo Theological Fellowship Seminar Tum Hnihna Paper)
Mihringten nungcha dangte aia danglam bikna tam tak kan neih zingah tawng hi a pawimawh hle a, chu chu kan thiam ngei pawh a tul a ni. Tun tumah hian Myanmar Mizo Theological Fellowship (MMTF) hruaituten kan mamawh tak mai, Mizo Tawng (Duhlian tawng or Lusei tawng an tih ve bawk thin) zirhona seminar a buatsaih hi a lawmawm hle a. Amaherawhchu kan thupui hian a huam zau em avangin tun tumah hi chuan chipchiar takin kan zir hman dawn lo va, kan mipui tam zawkte tana pawimawh zual deuh deuh nia ka hriatte chauh la chhuakin sakhi chul ram fanin kan fang thuak thuak dawn a ni.
HUN
By Valtea, Melbourne
Siamtu zarah damtein kumthar hun lawmawmah kan chuangkai leh a, rilru thar leh beiseina tharin kan hunte Pathian hnenah i hlan ang u. Kum kal ta chu ngai em emin kan thlir liam a. Kan hlimlai leh lawmlai nite chu hre rengin, hriat reng tlak loh kan tihsualte chu i manghngilh ang u.
Kum thar thutiam kan nei theuh tawh awm e? “Kumin chhungah bible ka chhiar zo vang,” tih emaw? “Zu, zuk leh hmuam ka sim ang,” tihte pawh a ni hlawm ngei ang. A then tan chuan thinrim ut ut leh tihtauh nghawng nghawng ching tawh lo turin an lo intiam ve ngei ang le. Chung thutiam bakah chuan tlem belh tur i han ngaihtuah teh ang u.
Siamtu zarah damtein kumthar hun lawmawmah kan chuangkai leh a, rilru thar leh beiseina tharin kan hunte Pathian hnenah i hlan ang u. Kum kal ta chu ngai em emin kan thlir liam a. Kan hlimlai leh lawmlai nite chu hre rengin, hriat reng tlak loh kan tihsualte chu i manghngilh ang u.
Kum thar thutiam kan nei theuh tawh awm e? “Kumin chhungah bible ka chhiar zo vang,” tih emaw? “Zu, zuk leh hmuam ka sim ang,” tihte pawh a ni hlawm ngei ang. A then tan chuan thinrim ut ut leh tihtauh nghawng nghawng ching tawh lo turin an lo intiam ve ngei ang le. Chung thutiam bakah chuan tlem belh tur i han ngaihtuah teh ang u.
THALAITE LEH TUNLAI KHAWVEL
Thlirlawkna: Tunlai khawvel danglam zung zung hian thil thar a herchhuahpui reng angin, a thar lah hun rei lote chhungin a hlui zel a. Mi tam tak chuan khawvel hi an hmu siksawi a, a tha reng an hmu hek lo. A bikin thalai nunzia leh awmdan inthlak zung zung hi an hrethiam lo mai ni lovin an hua a. Sakhaw ngaihsak lo leh nun lepchiah angin an hmu a. Heti mai zawng a ni bik lo ve. Thalaite pawhin an hun nena inmilin khawsak an duh a. Mizo chhinchhiah dan atanga kan en chuan Thasiama hun atanga vawiin thlengin thanghluiin thangthar ninna a awm a. A thar kha a hlui hunah a thar a ni zel tho.
HUN HNUHNUNG CHHINCHHIAHNA TE
Kan Bible a thuruk lian ber pakhat chu Lal Isua khawvelah a lo kal lehna huntur thu hi a ni. Bible chuan Isua lo kal lehna tur darkar leh ni chu, Pa chauh lo chuan tumahin an hre lo tiin min kawhhmuh mahse, kan Bible vekah Isua lo kal leh dawn huna thil thleng turte, khawvel awm dan tur te hrillawkna hmun tam takah kan hmu thei a.
A hnuaia i chhiar tur thute hian kan Lalpa Isua chu khawvelah A kohhranhote lawr tura a lo kal hun a hnaih tawh zia a hriat nawn tir ang che. Isua lo kal lehna tur chhinchhiahna kan Biblein min hrilh lawkte chu i thlirho ang u:
1. Taksa ngeia Lalpa a lo kal leh hmain khawvel zawng zawngah chanchin tha hi puan darh a la ni ang. "Tin, he ram chanchin tha hi hnam zawng zawng hriattirna turin khawvel zawng zawngah hrilhin a awm ang; chu mi zawhah chuan tawpna chu a lo thleng ang". Matthaia 24 : 14.
Meidil Rapthlak
Khuarkhurum mawng a tang chuan mei khu dum tak a rawn khu chhuak vut vut mai a, tlang kang hi a ang ber a. Tin, chu meikhu karah chuan meialhin a hliau mipui tam tak zi nuaih nuaih ka hmu bawk a, an rak chel chul hlawm a. Mipuite chu saruakin an awm hlawm a. T/awih lung ang mai hian an phu mur mur a ni ber. Mei chuan an taksa te chu a kang vut vut bawk a, an tan chhuahna kawng lah chu a awm thlawt si lo. An tlakna meidil chu a thuk hle a, chu bakah a bangte chu meiling hian a tuam a, a thuk bawk si. Mihring meichher an ni ringawt mai, an alh hluah hluah a ni.
Haiti Lirnghing Vanga Mithi Zat Mi 100,000 - 200,000 Tlin Ring!
Lirnghing tehna 7.0 magnitude a chak, he lirnghing hian January 12 ( thawhleh ) tlai khan Latin America ram, Haiti capital PORT-AU-PRICNE leh a chhehvel chu a nuai a. Mihring nuaih tel tak meuh an thih bakah nuaih engemaw zat chu ei leh in leh chenna hmuntur pawh nei lovin an vakvai a, an nu leh pa, an hmangaihte zawng reng renga khawsain mi engemaw zat chu an vai mek bawk. U.S, U.N leh humanitarian organizations hrang hrang, leh khawvel ram hrang hrangte chuan lirnghing tuarte chawmdawl nan theih tawp chhuahin hma an la mek a. Tuntum Haiti lirnghing hi khawvela lirnghing rapthlak ber record 10 zingah chhiar tel hial a ni.
Haiti Lirnghing report kimchang zawk: CLICK
