ZOFATE LEH EIZAWNNA

By. Biakenga, Malaysia

Kan thupui hian a huam zau hle a, Burma leh India ( Mizoram leh Manipur state ) ram chhunga chengte  chauh ni lovin, kan tunlai Zofate chenna khawvel ( global ) hi a zau leh zual tawh a; Burma Mizo khawvelin ram thar a zuan mek Malaysia leh US-a awmte thlengin, an eizawnna lam kan hriat ang angte hai lan kan tum dawn a ni. A bik takin tuna kan chenna Malaysia Mizo khawvelte eizawnna lam hi, thlur bing deuh ila, a dang zawng hi chu, kan sakhi chulramfan thuak thuak mai dawn a ni. 

1. BURMA   : -  Burma zofate chenna hmun hi, hmun thum-ah then ta ila.

( 1 ) Kalay Kabaw phaia chengte -  Kalaymyo ( Tahan ) leh Kabaw ( Khampat Tamu ) phaia chengte tihna a ni. Leileta ei zawng an tam ber a, Burma Zofate zinga lo nei zau ber chu, Pu Thangreia, Tuivar khua a ni a; a lo zau lam chu Acre  360 a ni. Kum khata a buh thar hi, tang 25000 ( tin 50000 ) vel a ni.

PATHIAN THEMTHIAM

By. J Khuma

Leilung leh a chhunga thil awm leh universe zawng zawngte khi engtiang kalhmanga (process) pawhin lo indin tan pawh ni se, a schematic thiltihtheihna ropui tak nei leh remfeltu a awm a ni tih chu chiang sa a ni. Solar System Science subject, a bîkin Chemistry leh Physics-ah atomic structure zir a ni a. Atom chu proton, electron leh neutron-te hmanga din a ni a. Proton leh neutron hi a laimu an ni a. Proton hian panihna (positive charge) a keng a, neutron hi chu nu nihna pawh keng lo, pa nihna pawh keng lo a ni thung. Chu vangin, laimu chuan pa nihna zâwk chu a keng a, nu nihna keng electron chu a hîp a; mahse, a lût duh lova tâl hran a tum a, a tâl hrang thei si lo. Hîp luh tumtu a laimu (nucleus) lahin a hîp lût hneh bawk si lo va. Chumi inhneh tâwk kal sawn lo va inpawt reng chuan electron chu a tivir a, a her ta a, a laimu (nucleus) chu a hêl ta a ni.

Mizo Tawng Ka Ning Ve lo

By: Ko Hlua, Norway

Aizawl ka zin ve thin laia hrehawm ka tih thin ber chu; chanchin bu leh signboard zawng zawng sap hawrawp khirhkhan tak tak a lo kat nuk kha a ni. Zion Street chho vela puan feng kal sawi ang lei leiho thleng khan an han tawng chhuak hlek a, sap tawng an kar cheh a, vai tawngin sahdah emaw, khaini emaw an han hmuam zui, awi le. Mizoramho tih dan ka zir a, kei pawh sap tawng ka zir char char mai le. Nu leh pate hial pawh hmusit thei khawpin ka lo thiam chho ve a. Sap flim ka en ngun a, an chaw ei dante ka zir a, fian hmangin chaw ka ei lui `hin a. Mahse kuta bar lo chuan ka ei tui ngang si lo, ka khawlhkham zo a nih hi. Mahse hlawkpuina erawh a tam hle thoin ka hria.