19 May 2010

AUSTRALIA KHAWMUALAH RAWNGBAWL TURIN VANLALSAILOVA FEH CHHUAK

Written by Admin
Mizo zaithiam zinga mitinte hriat lar em em Vanlalsailova chuan May 20, 2010 Nilaithawhtan ni khian Melbourne a rawn thlen dawn thu leh, tun tumah hian Australia khawpui lian deuh deuh Sydney, Melbourne, Canberra leh Adelaide-ah te thu leh hla hmanga rawngbawl tura a inpuahchah thu a nutei, Adelaide khuaa khawsa mek  chuan mizokhawvel a hrilh a, hun remchang a neih dan a zirin Australia khawpui dang te pawh tlawh a tum thu a sawi bawk.  May 22 ( Inrinni ) atang May 26 ( Nilaini ) thleng khi Mizo Christian Fellowship M.C.F ) te hmalakna hnuaiah Mitcham Baptist Church, Melbourne ah rawngbawlna a nei hmasa ber ang a, chumi hnu chuan Chhin Kohhran hrang hrangah  rawngbawlna a chhunzawm tur thu source pakhat ah tarlan a ni.

Man of the year-2010 chawimawina hial khumtu Vanlalsailova Australia khawmual fang tur thu hian Australia khaw hrang hranga Chhin-Mizo te a tiphur hle a. A tum anga tluang taka rawng a bawl theih chuan July thla ral lam khian Zoram lamah a kir leh ang.

0 comments:

Post a Comment

Chhiartute Ngaihdan Huang