8 October 2009

Lalsangzuali Sailo (Zualbawihi) Tribute Concerte

Mizo zinga zaithiam leh hlaphuahthiam lar Lalsangzuali Sailo thihchampha vawi thumna October ni 14, 2009 lo thleng tur hian amah Lalsangzuali Sailo pualin Tribute Concert neih a nih tur thu Lelte-ah kan rawn thailang tawha, kha hun kha tam takin inngaihven hle tih pawh hriat a ni.

He hun lo thleng tur atan hian Mizo zaithiam lar 40 rual velin Lalsangzuali Sailo hla phuah leh midang hla a lo sak lar tawhte live music nena Tribute Concert-a sak tumin tunlai hian Aizawl Zion Street-a ‘Zonun Studio’-ah an zir tluk tluk mai..

He Concert hi‘A Tribute to Nightingale of Mizoram’ tih a ni dawna, he Tribute Concert hming hian Organising Committee pawh P.Lianhrima Sr MCS, Secretary Govt. of Mizoram Chairman-na hnuaiah dina ni tawha, chak takin hmalak mek a nia, Tribute Concert tihlutawmtu ber tur pakhat chu zaithiam rualin Zualbawihi hla phuah 2 a huhova live music hamnga an sak tur chu a ni. He Tribute Concert urlawk nan hian Ocotber ni 6 (thawhlhni zan) leh ni 12 (thawhtan zan), 2009 organising committee huaihawtin ‘Tribute Urlawkna ‘ neih a ni dawna, zaithiam rualin a huhova ansak turte an zir nghalphah anga, zanriah an kilho nghal dawn bawk a ni.

Live Music-ah hian Zonun Studio neitu Darthuama, Laltea (IMFA), Tluanga (T.Melody) Siama (Vulmawi) leh |huama-te hma an la anga, Sound System hi Active Sound-in an tum thung dawn a ni. Zualbawihi Tribute Concert-ah hian heng zaithiamte hi an hla sak tur te thlan fel an ni tawh - Vanhlupuii, Zonunmawii (The Hunt), Tini Mohini Thapa (The Hunt), Zosangliani, Sailothangi Sailo, Zira Hnamte, Lalhungchhungi Pachuau, Ngurthangvela, H.Lalchawimawii, Elizabeth Zodinpuii, TBC Zaithanpuia, Rosy K.Remsangpuii, Lalhmingliana Chhangte, PBK Liankhuma,R.Thangkunga (Invaders), Zoram chhani(Youth Icon),Maggie Malsawmzuali, Zomuanpuii, Moody Chawngthu, MamiVarte, Danny Laldinpuia Chhangte (Youth Idol 2008), C.Lalhmingmawii, C.Sanga, Lalnunmawia, Vansangkimi, H.Lalthakima, Lalropuii Pachuau, Bethsy Lalrinsangi, C.Vansanga, C.Lalthleng
liana etc.
October ni 14, 2009 zan dar 7:30-a tan tur
‘A Tribute to Nightingale of Mizoram’ hi Vanapa Hall chhung luh man a awm lovanga, a duh a piang tan tel vek theih a ni ang.
Source: Lelte Weekly

0 comments:

Post a Comment

Chhiartute Ngaihdan Huang