Mizo Khawvel

LOS ANGELES-- Khawvel Music pa ber meuh mual liam ta chu mipui sang tamtakin an tawrh puiin an sun nasa hle a, thawhlehni a vuna programme a tel thei turte pawn lungchhiat a hnehin Michael Jeckson-a ni hnuhnung bera an tel ve theih dawn avangin an phili nasa ta mai. Kan hnun zirtawp leh inrin ni kha MJ-a vuina servicea tel duhte in register-na a tan hun hawn a ni a, mipui 11,000 tan chauh hun an hawn laiin khawvel mipui 1.6million laiin hming an theh lut ta mai a, service sawngbawltute pawh an lu a hai ngei ang le. July 7, Thawhleh ni hian khawvel music arsi lian her liam mek chu tlahin Staples Center, LA ah ropui takin sunna service chu buatsaih a ni dawn a, a hmuna tawiawm thei lo khawvel mipui billion tel tak meuh chuan Television hmanga thlir turin an inpuahchah thu CNN websiteah tarlan a ni.